Samy anaty gony iray ny antoko Freedom sy ny antokon’ny fitondram-panjakana Ird , Tgv….Porofon’izany ny ataon’ireo mpikambana sasantsasany toy ny ataon’ny Talem-paritry ny minisiteran’ny serasera ao amin’ny faritra Atsinanana, dia Vololoniaina Aniella izany. Tsy nihambahamba mihitsy ity talem-paritra ity namoaka ity teny hoe “ raha mbola eo Lalatiana minisitra dia tsy misy hahavoa ahy izany….”. Ao ambadiky ny zava-bitan’io talem-paritra io, dia momba ny raharaha maloto izay toa tazanin’ny minisitera mpiahy fotsiny. Asa na misy ny kopaka isasahana eo amin’ny roa tonta, satria ity mpikambana iray antsoina hoe Rateloandritiana Rodolphe ity dia nisoloky vola an-tapitrisa maro. Nilaza mantsy ity farany fa afaka mampiditra mpiasa ka nangalany vola avokoa ireo olona sendra azy. Raharaham-pisolokiana izay nataony tamin’ny volana desambra, tsy ny vola notangosana ihany fa na ny taratasy nandalo tamin’ny sampandraharaha hafa aza dia efa tafiditra amin’izany. Nisazy herin-taona sy nandoa lamandy Rateloandritiana Rodolphe, araka ny didim-pitsarana laharana 111-CO tamin’ny 2 febroary 2023.
Tsy sahy mitory ny minisiteran’ny Serasera sy ny Kolontsaina hatramin’izao fa toa mifampiaro aza ny nataony kanefa dia misy ny taratasy hosoka , hoy ireo mpitory. Nivaro-pananana ireo olona nitory izay voasolokin-dRateloandritiana Rodolphe. Mafy izany te hiditra ho mpiasan’ny minisitera. Kinanjo sady tsy tafiditra tao amin’ny minisitera no very vola sy fananana ireo mpitory. Mampieritreritra ny fihetsiky ny minisiteran’ny Serasera sy ny Kolontsaina manoloana ity raharaha fisolokiana ity, izay tsy miafina amin’ny Talem-paritry ny Serasera ao Atsinanana. Vitan’I Vololoniaina Aniella mihitsy ny mody nanao vazaha mody miady tamin-dRateloandritiana R. Mahay mifanafinTsara resaka ny samy Freedom , eny fa na ny antokom-panjakana koa aza tsy lavitra amin’izany.
