Niteraka resabe teo amin’ny olona mpiara-dia amin’ny Andry Rajoelina ny fijoroan’ny fikambanana Upar (union pour Andry Rajoelina), izay najoron’ny Ravatomanga Mamy sy Naina Andriatsitohaina tamin’ny herinandro teo.
Be dia be ireo TGV sy Mapar izay antoko sy fikambanana mpanohana an’i Andry Rajoelina hatramin’izay no tsy faly. Ireo mpikambana vaovao amin’ny Upar ity no mahazo sehatra ankehitriny eo anatrehan’ny fanohanana ity kandidà ity. Olona niady sy nifangalabaraka tamin’ny Mapar sy ny TGV indray no lasa nahazo ny avara-patana amin’ny Rajoelina ankehitriny. Any amin’ny Upar avokoa no mibaiko ny mpikambana ankehitriny. Any no mahazo ny volabe. Any amin’izy ireo koa ny fahefana na an’ny TGV sy ny Mapar. Vokatr’izany dia lasa ady an-trano no mitranga eo anivon’ny mpomba an’i Andry Rajoelina. Tsy faly ny ankamaroan’ny TGV sy ny Mapar noho izany.
