Foloalindahy : Hamadika pejy

Araka ny loharanom-baovao dia ahiana ny mety ho fizarazaran’ny Foloalindahy Malagasy. Izany dia noho ny fizarana tambin-jo tsy ara-dalàna sy tsy ara-drariny ka mety hampivadika ny lalan-jotra apetraky ny mpanome baiko mivantana. Taratra teny an-toerana hoy ny loharanom-baovao ny nahitana mpitandro filaminana nanda saika tsy handray baiko avy amin’ireo lehibe teny an-kianja ; ary tamin’ireo mpitandro filaminana ireo ihany koa hoy hatrany ny ako no nahenoana hoe “ ianareo no mahazo volabe any kanefa izahay….” Ny antony manaraka koa dia ny tsy fanekena intsony an-dRajoelina mbola ho lehiben’ny Foloalindahy indray araka ny voalaza ao amin’ny lalàmpanorenana. Mety mahatsapa koa ny ampahany amin’ireo mpitandro filaminana fa tsy voahaja koa ny hasina maha tandroka aron’ny vozona azy ireo araka ny baiko midina hatrany, sy ny tambin-jo mifanaraka amin’izany, izay mampiteraka ahiahy be sao misy fanararaotana.