Mbola tsy nisy toa izany ny grevy teny Ambohipo ny alatsinainy 21 Oktobra 2024. Nanao fihetsiketsehana teo amin’ny « Trois chemins » ny olona marobe nanomboka tamin’ny 8 ora alina ka hatramin’ny 12 ora sy sasany alina. Tora-bato nifamaliana amin’ny baomba » Lacrymogene » nentin’ireo mpitandro ny filaminana. Tsy nitsahatra ny fifamaliana sy ny fifanafihana nataon’ireo olona tsy faly amin’ny fahatapahan’ny jiro avy amin’ ny Jirama. Nisy ny naratra ny andaniny sy ny ankilany. Na dia niampy aza ireo mpitandro ny filaminana tao anatin’ny fihetsiketsehana dia toa nanamafy ny fahatezeran’ireo mponina izany. Ny jiro izay maty nanomboka tamin’ny 3ora tolakandro ka tsy nirehitra raha tsy tamin’ny 12 ora alina mahery.
Vokatry ny korontana ity dia olona 13 no voasambotra. Fiara iray no potika ny fitaratra teo anoloan’ ny banky Bni. Marobe koa ny olona torana tany an-tranony vokatrin’ny baomba mandatsa-dranomaso fa indrindra ireo marefo sy misy olana amin’ny fisefoana . Izany rehetra izany dia tao anatin’ny aizina tanteraka no nitranga.
Raha mbola mitohy ny delestazy eto Madagasikara ity fa indrindra ny eto an-drenivohitra dia ahiana mafy ny hisian’ny grevy lehibe aoriana kely ao.
Nahagaga fa tsy tapaka ny jiro teny Ambohipo ny talata 22 Oktobra 2024 tao aorian’io grève be alina io.
Delestazy Ambobipo : Romotrin’ny hatezerana ny vahoaka, grevy nandritry ny alina
Partager cette article
Articles connexes
