Toekarena : Tsy tafavoaka intsony ny fitonfrana

Ny toekarena no andry voalohan’ny fampandrosoana ny firenena iray. Potika tanteraka anefa izany amin’izao fotoana izao. Mihena ny sandan’ny vola malagasy raha ampitahaina amin’ny vola avy any ivelany. Tafakatra 5000 ariary mahery ny iray  » euro » amin’izao fotoana izao. Potika avokoa ny 99% ny lalana manerana ny nosy. Maro ny lalam-pirenena teo aloha izay efa vita tara na « goudron » no lasa tany mena tao anatin’ny fitondrana Rajoelina izay. Hatraty an-tanan-dehibe no miaina ao anaty vovoka ny olona toa ireny any ambanivohitra lavitra andriana ireny. Tsy tenenina intsony ny fahatapahan’ny jiro sy ny rano manerana an’i Madagasikara ka potika ny asa fivelomana maro izay miankina amin’ny JIRAMA. Misondrotra izay tsy izy ny vidim-piainana ka efa tafakatra 900 ka hatramin’ny 1000ariary ny vidin’ny vary iray kapoaka raha toa ka 500 ariary izany teo aloha.
Ankoatra ireo rehetra ireo dia orinasa maro no potika sy maty nohon’ny jirama ity. Any ambanivohitra dia miaina ao anatin’ny horohoro sy tahotra ny vahoaka nohon’ny tsifandriampahalemana amin’ny faritra maro. Manjaka ny risoriso sy ny kolikoly ary ny fanararaotam-pahefana ataon’ireo olona mpitondra sy ireo mpiasam-panjakana manana fahefana…
Mihamahantra hatrany ny vahoaka malagasy. Mitombo ny olona mangataka sy mitsindrona zaoridira manerana ny nosy amin’izao fotoana izao. Mihena hatrany amin’ny 24% ny zaza miditra an-tsekoly tamin’ny taom-pianarana 2024-2025 ity noho ny fahantrana.
Tsy azo inoana ny hampandroso an’i Madagasikara izany fa resakin’ny mpitondra hamiliviliana ny saim-bahoaka fotsiny izany. Dia marina ny tenin’i Amiraly Didier Ratsiraka hoe  » fohazo aho raha toa ka mandroso i Madagasikara »