Dimy taona mahery izay no niandrasana ny famatsiam-bola avy amin’ny Tahirim-bola Iraisam-pirenena FMI ity izay atao hoe FEC(fond élargi de crédit). Raha mbola nanomboka nitondra firenena ny filoham-pirenena Andry Nirina Rajoelina ny mandà voalohany nanomboka ny taona 2019 dia nahazo io famatsiam-bola avy amin’ny FMI io ny firenena malagasy. 300 miliara de dolara mahery izy io, izay hanampiana ny firenena isan’ny mahantra indrindra eran-tany. In-telo no fahazahoana ny vola io izay mitsinjara telo mazava tsara. Tokony ho azo ao anatin’ny telo taona monja ity raha maharaka ny fepetra iraisam-pirenena isika malagasy. Isan’ny fepetra takiana amin’izany ny fahaizana mitantana, ny ady amin’ny kolikoly ary ny fanitsiana ny vidin-tsolika hanaraka ny tena vidiny marina…
Tsy misy mandeha amin’izay fifanarahana sy ny tokony ho izy anefa ireo sehatra ireo. Ny Praiminisitra Ntsay Christian dia mbola nanamafy fa hamboarina hifanaraka amin’ny tokony ho vidiny ara-dalàna ny vidin-tsolika io ny volana janoary 2024. Tsy tanteraka anefa izany hatramin’izao ka dia nanapa-kevitra indray ny Fmi fa hahemotra amin’ny taona 2025 indray ny fahazoana ity vola ity raha toa ka tokony hahazo ny 101moliara de dolara isika tamin’ny taona 2024 ity.
Ny tsara ho fantatra dia isan’ny fepetra iray hahazoana vola hafa avy amin’ny mpamatsy vola iraisam-pirenena mahazatra ny FEC ity. Isika malagasy anefa efa sahirana mafy amin’ny fahazoana vola amin’ireo fikambanana iraisampirenena ireo amin’izao fotoana izao noho ny tsy mampazava amin’ ny ‘ izy ireo ny fepetra ifanarahana amin’izany. Vokany dia tratrany fahirano isika malagasy amin’ny fahazoana vola avy amin’ny mpamatsy vola iraisam-pirenena ireo hatramin’izao satria na dia ny » aide budgétaire » izay tokony ho azontsika aza aza dia olana be ankehitriny ny fahazoana azy izay miantoka ny 70% ny fampihodinana ny raharaham-pirenena. Vokatr’izany dia io nahena io ny teti-bolam-panjakana 2024 ity ka lasa 62% no sisa. Tsy afaka mihodina ara-dalàna ny asam-panjakana, ary tsy mahazo mandray mpiasam-panjakana intsony. Hatramin’ny volan’ny mpandraharaha manao asa amin’ny fanjakana no tsy voaloa izao.
