Skip to content
Le Journal de l'île Rouge
Gazetin'ny nosy

Fifidianana ben’ny tanana : Ahiana hidina ny taha-pahavitrihana ny mpifidy

La gazette de la grande île
26/11/202444 second read

Herinandro iray izay no lasa tamin’ny fanaovana propagandy izay hifidianana ny ho ben’ny tanàna manerana an’i Madagasikara.
Hatramin’izao aloha dia mangingina ny vahoaka fa tsy dia rototra loatra amin’ity fifidianana ity. Ny mpifidy izay efa zatra nozaraina zavatra amin’ny vanim-potoana toa izao. Tsy hita firy intsony anefa izany amin’izao fotoana izao . Ny fiarakodia mampaneno Sônô midradradradra tsy misy mpihaino sisa no heno etsy sy eroa. Tena niova tanteraka ny fanaovana politika sy propagandy ankehitriny.
Raha ny eto Antananarivo manokana no jerena dia hita fa malaina ny vahoaka amin’ny fifidianana . Maro no miteny fa tsy miraharaha izay fifidianana izany fa ny fiainana no manahirana azy. Tsy mijery raha tsy ny hohanina androany ihany sisa.
Noho izany dia atahorana mafy ny hampihena ny tahan’ny mpifidy amin’ity fifidianana ben’ny tanàna ity.
Izay lany eo izany dia olona tsy tena olona tiam-bahoaka. Simba ny fanaovana politika eto Madagasikara.

Partager cette article
Articles connexes
Back To Top