Skip to content
Le Journal de l'île Rouge
Gazetin'ny nosy

Depiote : 60% ny tambin-karama no terena hividianana fiara 4X4

La gazette de la grande île
02/12/202447 second read

Tonga dia alaina avy hatrany amin’ny depiote ny 60%ny tambin-karama isam-bolana. Tonga dia alefa any amin’ny mpandraharaha momba ny fivarotana fiarakodia iray eto Antananarivo izany vola izany. Na mazoto hividy fiara na tsia ilay depiote dia terena mandoa io vola mitentina 60% ny tambin-karama io. Milaza ny depiote fa tery vay manta no misy ao Tsimbazaza ao ankehitriny.
Tsy vitan’izany fa mbola midangana avobe koa ny vidin’izany 4×4 hoy hatrany ilay depiote tsy mankasitraka izao teritery izao. Tsy misy mahasahy milaza ny heviny ireo depiote tsy faly amin’ity faneriterena ity fa matahotra hono. Ny fanjakana mpanatanteraka mihitsy no manao izao baiko izao hoy hatrany ity depiote tsy makasitraka ny raharaha izao ity.
Tsy misy intsony ny fahalalahana ao Tsimbazaza raha ny zava-misy ankehitriny. Ny tambin-karama isan-karazany ao Tsimbazaza izay omena ny depiote izany dia natokana hoan’ny 4×4 ihany.
Taratry ny didy jadona eto amin’ny firenena izany ankehitriny. Ny depiote aza tratran’ny didy jadona fa indrindra ny olona tsotra.

Partager cette article
Articles connexes
Back To Top