Nanao fanambarana ny kandidà ben’ny tanàna Roland Ratsiraka izay nilatsaka hofidiana ho ben’ny tanàna ao Toamasina voalohany mba hiaro ny safidiny ny vahoaka fa atahorana mafy ny mety hivadihan’ny vokam-pifidianana. Be dia be loatra ny teritery isan-karazany izay ataon’ny antoko mpomba ny fitondrana ankehitriny hahafoana ny vaton’ireo tsy ao anatin’ny fitondrana. Nambarany koa fa mbola tsy nisy fifidianana maloto sy ratsy toa izao teto Madagasikara.
Eo anatrehan’izany dia hisy hetsika itarihana ny mponina any Toamasina ny asabotsy faha 14 desambra 2024 amin’ny tolakandro. Roland Ratsiraka izay mitarika vonjimaika ao Toamasina ao.
Tsy ny any Toamasina ihany no manahy mafy amin’ny mety hisy fanodikodinana sy halatra ny vokam-pifidianana amin’ny fifidianana izao fa saika manerana ny nosy fa indrindra ireo manana elanelambato tsy mifanalavitra amin’ny antokon’ny fitondrana.
Dia samy miandry ny fanambarana ofisialy ny vokam-pifidianana ity rehetra na dia maro no miaina ao anatin’ny tahotra ireo mpifaninana izay tsy mpomba ny fitondrana.
Roland Ratsiraka : Mampitandrina ny fitondrana tsy hanova ny vokam-pifidianana
Partager cette article
Articles connexes
