Mpanao gazety : Nosamborina i Fernand Cello

Ny alarobia alina mifoha ny alakamisy faha 30 Janoary 2025 no nosamborin’ny mpitandro ny filaminana teny Anosizato i Fernand Cello izay mpanao gazety. Tsy fantatra marina izay tena antony nisamborana azy oloha hatramin’izao fa mbola miatrika ny fanadihafiana izy. Ny holafitry ny mpanao gazety moa dia saika nivory tao amin’ny foibeny tetsy Ambohidahy ny maraina faha 30 Janoary 2025 nefa tsy fantatra izay antony tsy naharaikitra ny fivoriana indray tamin’ny 10 ora maraina teo.
I Fernand Cello dia isan’ireo mpanao gazety izay tsy mitsitsy amin’ny famoahana vaovao ary mahitsy koa. Matetika izy manao fanehoan-kevitra masiatsiaka ka tsy mahafaly ireo olona izay voakasik’izany. Tamin’izy tany Ihosy taona vitsy maromaro lasa izay dia efa nampidirina am-ponja koa izy noho ny fanehoany hevitra ity. Izany fomba fijeriny sy fihetsiny izay dia matetika tsy zakan’ny olona iantefany. Maneho hevitra be dia be amin’ny Facebook koa i Fernand Cello ary isan’ireo mpamelona lakolosy ihany koa izy toa an’i Manandafy Maherilanto izay efa any am-ponja koa amin’izao fotoana izao.
Andrasan’ny maro ny tohin’ny raharaha ity. Maro no mino avy hatrany fa hogadraina toa ireo mpanao gazety namany toa an’i Rolly Mercia sy Mbola Rajaonah, Lola Rasoamaharo koa i Fernand Cello ity.
Ity fanjakana ity no azo lazaina fa fitondrana nampigadra mpanao gazety be indrindra teto Madagasikara hatramin’izay. Mbola nisy ireny ny raharaha ny mpanao gazety tany Toamasina iny koa tamin’ny mandà volohany ny fitondrana Rajoelina iny, izay tonga hatraty Antananarivo ny raharaha.
Teo amin’ny tantara dia matetika ny fitondrana efa sahirana no misambotra mpanao gazety toa izao.