Tena tery vay manta na tiana na tsy tiana fa noterena hividy ny 4×4 io izahay depiote hoy ny solombavambahoaka voafidy tao Atsimondrano ramatoa Raharimanarivo Voahanginirina Berthine avy amin’ny antoko Firaisankina. In-telo avo heny nohon’ny vidin’ny fiara no ampadaovana anay. Milaza izy fa tsy misy fahafahana sy fahalalahana intsony ao amin’ity andrim-panjakana ity. Na tiana na tsy tiana dia tsy maintsy mividy io fiara 4×4 amin’ny mpandraharaha iray io satria avy hatrany dia tsy maintsy alaina avy hatrany any amin’ny tambin-karamany depiote tsirairay avy ny vola vidiny.
Mitaraina amin’ny vahoaka indray no ataon’ity ramatoa depiote ity. Tena efa tsy mandeha amin’ny laoniny intsony ny raharaham-pirenena sy ny fanaovana politika eto satria ny depiote izay tokony hitarainana indray no lasa mitaraina amin’ny vahoaka. Midika izao fanambarana izao fa tsy misy zavatra mandeha amin’ny tokony ho izy intsony ny fanaovana politika sy ny fitantanana eto amin’ity firenena ity.
Ny depiote aza izany no mahazo azy dia hisy zavatra handeha intsony ve eto amin’ity firenena ity?
Depiote : Noterena hividy fiara 4×4 izahay
Partager cette article
Articles connexes
