Fanafoanana ny FES : Voa mafy koa ny firenena malagasy

Nitazona toerana lehibe teto amin’ny firenena any programa allemande antsoina hoe Friedrich-Ebert-Stifring na ny FES. Fandaharana asa misandrahaka amin’ny sehatra maro izy ity eto Madagasikara ary efa am-polotaona maro izay no nisiany. Manana mpiasa raikitra maro eto Madagasikara izy, ka malagasy ny ankamaroan’izany ary ao amin’ny sehatry ny fikambanana ivelan’ny fanjakana no tena nimasoany. Isan’izany ny fanofanana tanora sy vehivavy ho mpanao politika, mahatratra 25 isan-taona izany tao anatin’ny taona maro. Isan’ireo koa ny mahakasika ka ny fanofanana ny vehivavy mpandraharaha. Manomana sy manofana tanora ho mpitarika na » leadership » koa ity fandaharana asa ity. Sehatra iray amin’izany ny YLYP na ny « programme de leadership et développement »
Nisy koa ny fanampiany ireo fanjakana tamin’ny lafiny fanatsarana ny fitantanana ny raharaham-panjakana. Fiofanana maro no nataony tamin’izany…
Najanon’ny firenena allemande tamin’ny volan Febroary taona 2025 ity ny FES ity ka maro no fiantraikan’izany amin’ny fampandrosoana eto Madagasikara. Tsy maintsy hitombo indray ny tsy an’asa ary maro no fiantraikan’izany koa amin’ny fanabeazana sy ny toekarena.
Tsy miteny tsy mivolana ny fanjakana malagasy eo anatrehan’izany nefa zavatra maro no fiantraikan’izany eo amin’ny fiainam-pirenena.