Fiainam-pirenena: Manjaka ny tsy fandriampahalemana

Nihombo izay tsy izy ny tsy fandriampahalemana eto Madagasikara manontolo amin’izao fotoana izao.
Nanomboka tany Ambatofinandrahana izay nahafaty ny ben’ny tanana tao Mangataboahangy ny volana febroary teo, dia feno vonoan’olona ny toerana maro. Ny tanora sy ny ankizy no lasa mpamono olona. Any Toamasina dia isan’andro no misy fahafatesana vokatrin’ny fanafihan – jiolahy. Tomboka antsy, fanafihana mitam-piadiana amin’ny basy mahery vaika izany no iainana isan’andro isan ‘andro. Hatramin » ny ankizy dia efa lasa mamono olona avokoa.
Eto Antananarivo koa dia torak’izany. Resaka fanatanjahantena sy kanetibe dia miafara amin’ny famonoana olona hofaty.
Niova tanteraka ny toe-tsain’ny malagasy. Izany dia nohon’ny fahantrana be loatra misy ankehitriny. Manaraka izany dia nohon’ny tsy fahombiazan’ny fitondrana ary ny lehibe indrindra dia ny fidiran’ny rongony mahery vaika avy any ivelany izay miparitaka eran’i Madagasikara.
Miditra amin’ny kihon-dalana tena ratsy i Madagasikara ankehitriny. Eo ny fahantrana vokatrin’ny krizy maro samy hafa ara-toekarena noho ny tsy fahombiazan’ny fitondrana fa mbola manampy izany koa ny fiovaovan’ny toetr’andro. Miala ao Ankatso dia eny Ambohidepona. Tena miha mijaly sy fadiranovana isan’andro ny vahoaka malagasy. Tapadalan-kaleha tanteraka.