Efa tonga any Mahajanga hatramin » ny alarobia faha 5 martsa 2025 ny mpikambana ao amin’ny governemanta tarihin’ny filoham-pirenena Andry Nirina Rajoelina. Miaraka aminy koa ny vadiny Mialy. Zavatra roa sosona no misy any amin’ity renivohitra ity dia ny fivorian’ny governemanta satria natao any ny filankevitrin’ny minisitra. Ny faharoa dia ny fankalazana ny andro iraisam-pirenena ho amin’ny zon’ny vehivavy.
Vehivavy maro manerana an’i Madagasikara no tonga any. Ny sasany aza efa herinandro izay no nahatongavany any. Niavaka ny fetin’ny vehivavy tamin’ity taona ity fa ny filohampirenena sy ny Praiministra mihitsy no niditra an-tsehatra. Tsy dia fahita loatra ny fanatrehan’ny filoham-pirenena toa izao ny fetin’ny vehivavy izao. Volabe no lany amin’ity fety ity. Ny vahoaka nefa mijaly sy sahirana mafy ao anatin’ny fahantrana sy ny tsy fandriampahalemana ary ny loza voajanahary mifanesisesy. Tsy tenenina intsony ny fidangan’ny vidim-piainana izay tsy ahitan’ny fanjakana vaha olana mihitsy hatramin’izao.
Ny zavatra toa izao dia hatramin’izay fitondrana Andry Rajoelina izay no nahitana fety sy ny fihetsiketsehana mahazo laka sy laharam-pahamehana. Izany no fampandrosoana misy eto Madagasikara. Ho hitantsika eo ihany ny fety manaraka.
8 martsa 2025: Any Mahajanga I Andry Rajoelina sy ny governemanta hitotorebika miaraka ami ‘ny vehivavy malagasy
Partager cette article
Articles connexes
