Raharaha nahafaty an’i Rasazy Narindra tao Mangataboahangy

Olona 17 no voarohirohy amin’ny nahafaty ny ben’ny tanàna Rasazy Narindra tany Mangataboahangy. ‘
Nalefa eny amin’ny fonjan’ny Tsiafahy ny 15 lahy ary ny roa vavy kosa eny amin’ny fonjan’ Antanimora ny zoma faha 7 martsa 2025 lasa teo.
Isan’ireo voarohirohy koa ilay anadahin’i Rasazy niaraka fiara taminy.
Samy gaga daholo ny olona rehetra noho izany nefa angamba tsy diso ny fitsarana raha toa ka nanao izany.
Marobe ny resaka mandeha amin’ity raharaha ity manerana an’i Madagasikara fa indrindra any Ambatofinandrahana. Ny resaka politika izay mafana be any Ambatofinandrahana no isan’ny andehanany sain’ny olona maro ary ny raharaha fitrandrahana vato any Mangataboahangy izay be dia be tokoa sy mahasintona olona maro sy ny sinoa indrindra indrindra.
Samy miandry ny vaovao mazava amin’ity raharaha ity ny vahoaka malagasy.