Naina Andriantsitohaina : MISY DIDY FISAMBORANA

Mahazo hoatrinona? Azo antoka fa miaraka amin’ny vola be i Naina Andriantsitohaina. Porofon’izany ireo milaza ho fikambanana, mpanakanto manana ny lazany saika noesorin’ny ministeran’ny Fanajariana ny Tany teny Tsarasaotra, nitaky ny hamotaorana an’i Claudia Pichler, vadiny.
Vola daholo no tao ambadik’ireny fanambarana rehetra ireny. Mizarazara vola mihitsy i Naina Andriantsitohaina; Fleury Rakotomalala aza saika hotambazany 3000 Euros fa tsy nanaiky. Hinoana nefa fa vitsy ny gasy handà izany 3000 Euros izany eto an-tanindrazana.
Izany indrindra no mahatonga ilay fanontaniana hoe: « hoatrinona no homen’ny fanjakana amin’ny fahitàna na fanomezam-baovao momba an’i Naina Andriantsirohaina? ». Jiolahy goavana toa azy ireny mila « prime » vao tratra, raha tsy izany maka vola any aminy izay mahita azy dia tsy ho sarona ary tsy handroso mihitsy ny fanadihadiana mikasika ireo raharaha hiampangana azy.
Mazava izany izao fa misy ny didy fisamborana an’i Naina Andriantsitohaina. Mitovy amin’ireo jiolahy karohana manerana an’i Madagasikara ny tenany. Ny vady moa navelany hampinono irery ao an-tranony ao amin’izao fotoana. Asa mba iza no miaraka maka rivotra aminy any? Izany ilay lehilahy nilaza ny hanatitra scoobidoo sy vola 500 Ar amin’ireo olona nogadrainy. Varira!