Mpanao gazety : Nodimandry i Annick Raherimanana (Radio Antsiva)

Nodimandry omaly alarobia 28 janoary 2026 ny mpanao gazety Annick Raherimanana  avy ao amin’ny Radio Antsiva. Efa elaela ihany izy no niditra hopitaly teny Ilafy tao amin’ny hopitalin’i Ravatomanga. Raha araka ny loharanom-baovao dia homamiadana no nahazo azy.
Olomangan’ny asa fanaovan-gazety i Annick. Mpanao famakafakana ara-politika no tena asa nataony tao anatin’ny taona maro. Henjakenjampiteny ary mahitsy fijery sy fiteny koa. Isan’ ireo mpanao gazety tranainy amin’ny famakafakana ara-politika izy ary vehivavy voalohany niditra tamin’io sehatra io. Izahay mpanao gazety ato amin’ny JIR dia mitondra fampiononana hoan’ny fianakaviana rehetra sy ny Radio Antsiva.
Tao anatin’ny herinandro izao dia mpanao gazety mpamakafaka politika roa no nodimandry satria maty ihany koa ny namana mpanao gazety tao amin’ny MBS dia i Faniry izany. Ity farany moa dia maty tampoka.
Noho izany dia misaona ny asa fanaovan-gazety. Samia mahereza daholo.