Mamy Ravatomanga : Rolly Mercia sy ny minisitra Erinaivo Fanirisoa no mamangy azy any am-ponja any Maurice ankehitriny

Tamin’ny herinandro voalohan’ny volana febroary 2026 ity dia nianga avy teto Madagasikara ny delegasiona avy amin’ny ministeran’ny fitsarana hoany Maurice noho ny raharaha Mamy Ravatomanga. Isan’ny olona nandeha amin’izany ny minisitra teo aloha sady mpanao gazety Rolly Mercia izay nogadrain’i Mamy Ravatomanga nandritra ny 5 taona tamin’ny fitondrana Andry Nirina Rajoelina.
Ny minisitra Fanirisoa Erinaivo indray dia omaly no niainga. Ity magistrat ity koa izay mbola ny fitondrana Rajoelina sy Ravalomanana Mamy no nampigadra azy ka nahatonga azy nanao sesintany ny tenany tany Frantsa nandritra ny taona maro.
Ny hisintonana ny sain’ny mpamaky dia tsy ny mety ho fifanarahan’ny firenena Maorisiana sy malagasy amin’ny fitsarana sy ny sazy miandry an’i Mamy Ravatomanga fa ny fivadihan’ny politika sy raharaham-pirenena satria ilay mpanagadra olona teo aloha indray izao no tsaran’ny olona nogadraina ara-panjakana ary amin’ny sehatra iraisam-pirenena.
Inona no zavatra hitranga raha mahita ireto olona roa nogadrainy ireto i Mamy Ravatomanga?
Mahaiza maka lesona izay mpitondra sy ireo mbola tsy voa fa mivadibadika ny tantara ka manaova ny rariny sy ny marina hatrany.