Praiministra Herintsalama Rajaonarivelo : Hosaziana ireo mpanao Facebook milaza vaovao tsy marina sy mandainga

Hosaziana ireo olona mpizara vaovao tsy marina sy mpandainga ary mpanaratsy olona ao anaty Facebook. Izany no kabary nataon’ny Praiminisitra Herintsalama Rajaonarivelo tany amin’ny faritra atsinanana ny talata faha 3 febroary 2026 raha niresaka tamin’ny mpanao gazety sy ireo mponina tany antoerana izy nandritra ny fitsidihana noho ny fandalovan’ny rivodoza Fytia.
Hisambotra olona maneho hevitra indray izany ity Praiministra Herintsalama Rajaonarivelo ity. Dia ho hitan-tsika izany fa izany no nahatonga ny faharavan’ ny fitondran’i Andry Nirina Rajoelina iny. Nogadraina noho ny fanehoan-kevitra ireo mpamelona lakolosy toa an’i Maherilanto Manandafy, Fernand Cello… Nogadraina ihany koa ireo tompon’ny Orinasa fanaovan-gazety toa an’i Lola Rasoamaharo, Mbola Rajaonah, toa izany koa ny mpanao gazety maro tsy nanohana fitondrana toa an’i Arifina Helisoa, Evariste, Rolly Mercia, Johary Ravaojanahary…
Hitombo indray izany ny olona higadra noho ny fanehoan-kevitra. Izany no naharava ny fitondran’i Rajoelina Andry Nirina teo ka izao hotohizin’ny Praiminisitra Herintsalama Rajaonarivelo izao indray. Nahoana raha ny hahavitana ny roa taona hanamboarana ny fihaonambem-pirenena no atao izay hahatanteraka azy maika fa tsy ny fanasaziana olona indray no hirahiraina. Sao dia hoditra akondro omena ny colonel Michael Randrianirina ity? Mahaiza mandray lesona.