Tena miakatra be loatra ny fidangan’ny vidim-piainana ka maro ny malagasy no lasa manaonao foana ankehitriny. Tsy manana fahefa-mividy intsony ny olona ka lasa mankany amin’ny halatra sy ny fametsifetsena isan-karazany ary ny famonoan’olona sy ny kidnapping na fangalarana olona. Tsy mitsaha-mitombo ny olona mahantra izay efa lasa mpitsindrokoka eny amin’ny fanariam-pako toa ny alika. Ankoatran’izany dia mirehareha amin’ny volam-panjakana sy harena ny firenena aondrana amin’ny fomba tsy ara any ivelany ny mpitondra fanjakana sy ireo mpomba azy vitsivitsy.
Tena efa leo ny olana ara-politika sy ny fidangan’ny vidim-piainana ny malagasy. Tsy misy izay tsy mitaraina noho izany. Be dia be no te hitroatra saingy mbola mandinika sy mbola tsy ampy hery nohon’ny hanoanana.
Toa ny zava-nitranga ara-tsosialy sy politika hatramin’izay dia tsy maintsy hisy farany izany hoy ny feo mandeha etsy sy eroa ka atahorana ny mety hisian’ny fitroaran’ny vahoaka indray andro any. Toa izao mitranga eto Madagasikara izao no niatombohan’ny krizy mitranga any Haiti ankehitriny io ka tokony handinika ny fanjakana. Izay zavatra ataon’ny fitondrana dia miteraka olana eto amin’ny firenena avokoa amin’izao fotoana izao.
Fiainam-pirenena : Atahorana ny ho fitroaran’ny vahoaka
Partager cette article
Articles connexes
