Manana harena maro i Madagasikara, saingy miatrika fanamby maro, izay mitaky fanovana sy fanoloran-tena iombonana. Na dia teo aza ny fahaleovantenantsika tamin’ny taona 1960, dia miatrika olana izay mitaiza ny firenena amin’ny fahantrana, ny fitantanana izay mivangogo eto andrenivohitra foibe feno kolikoly, ary miatrika olana ara-jeopolitika sy ara-jeoekonomika izay misy ankehitriny eo anivon’ ny izao tontolo izao.
Noho izany, namolavola ny « Vision Madagascar 2050 » aho, vina mikendry ny hanangana an’i Madagasikara amin’ny fanavaozana sy fampandrosoana maharitra. Mifototra amin’ny fitantanana ara-drariny sy fanabeazana manara-penitra izany, ka mikendry ny fiaraha-miasa sy ny fandraisana anjara avy amin’ny rehetra.
Miantso anao aho hanolotra hevitra sy soso-kevitra amin’ity tolo-kevitra ity, satria ny traikefa sy fahalalanao dia tena ilaina amin’ny fanatanterahana izany. Ny fiaraha-miasa sy ny firaisankina no antoka ho an’ny hoavy tsara ho an’ny Malagasy rehetra sy ny taranaka faramandimby.
Mino aho fa miaraka amin’ny herintsika sy ny finoantsika dia ho afaka hanangana an’i Madagasikara matanjaka kokoa isika.
Misaotra sy mirary soa indrindra Tompoko.
