Governemanta faharoa ny fanavaozana : Afaka efa-bolana dia hosoloina indray raha ela indrindra

Omaly alarobia faha 25 martsa 2026 no tafatsangana ny governemanta izay tarihin’ny Praiministra vaovao Rajaonarison Mamitiana. 13/29 ihany no vaovao tamin’izany fa ny teo aloha ihany no niverina. Isan’ny tsy faly amin’ny fanendrena ity ny mpiasan’ny fampianarana sy ireo mpampianatra izay nitady olona avy amin’ny fanabeazana ka naneho ny tsy fahafaliany. Toa izany koa ny mpiasan’ny fahasalamana izay tsy mankasitraka ny famerenana ny minisitra teo aloha. Ny fikambanana avy any amin’ny faritra izay mbola nieritreritra ny hitazona ny zanany ihany koa dia maro no diso fanantenana..
Na inona na inona kajikajy izay ataon’ireo mpanao politika dia ny mpitondra firenena sy ny mpitady toerana ary ireo fikambana isan-karazany dia tsy maintsy hisy indray ny fanovana amin’ny governemanta rehefa vita ny fihaonambem-pirenena afaka efa-bolana raha ela indrindra. Na mety na tsy mety ny fomba fijerin’ny olona tsirairay dia tsy azo idifiana izany. Ny tsy azo ataon’ny mpitondra dia ny fandaingana ka hilaza fa hitondra fandrosoana amin’izao vanim-potoana izao satria rafitra tetezamita no iainan’ny firenena malagasy amin’izao fotoana izao.