Jly Ravalomanana- Marie Michèlle: Nilaozan-dRajoelina sy Ntsay

Nivoaka ny didim-pitsarana, 5 taona sazy mihatra no azon’ny minisitra teo aloha Marie Michèlle Sahondrarimalala. 10 taona araka ny efa fantatra no azon’ny jeneraly Ravalomanana Richard.
Nilaozan-dRajoelina sy Ntsay ireto olona roa izay niasa mafy tamin’ny fiarovana ny fitondrana TGV. Navelan’izy ireo rehefa may volon-tratra kanefa dia nampiasan-dRajoelina sy Ntsay tamin’ny sehatra maro ary raha ny mikasika an’i Marie Michèlle manokana dia tsy maintsy nisy dian-tanan-dRajoelina sy Ntsay ny halatra maha voasaringotra azy.
Tsy mba isan’ireo misazy eto an-tanindrazana kosa ry Naina Andriantsitohaina (tafavoaka an’i Madagasikara nandritra ny naha praiminisitra an’i Herintsalama Rajaonarivelo) na dia tsy takona afenina intsony ny halatra be vava amina miliara tao amin’ny CNAPS.