Ministry ny Fitaterana MILA FANAZAVANA

Tsy am-pelatanana ny antontan-taratasy mandiso na manamarina ny resaka miparitaka manerana ny tambazotra momba ny ministry ny Fitaterana. Mila fanazavana matotra ary haingana avy amin’ny tenany manokana sy ny praiminisitra kosa nefa izany satria tena tsy azo ekena mihitsy raha mbola misy forongon’i Mamy Ravatomanga ao anatin’io governemanta io, indrindra resaka famotsiam-bola.
Sehatra iray manana raharaha goavana ny ministeran’ny Fitaterana toa ny raharaha Boeing 777, ny mikasika ny fiaramanidina nitondra an’i Ntsay Christian sy Mamy Ravatomanga tany Maorisy. Koa raha mitombona io resaka mandeha eny anivon’ny tambazotra momba ity minisitra ity dia mazava ho azy fa hiasa hanadio ny afera maizin-dRavatoamanga no antom-pisiany ao.
Tsy manana indra-fo amin’izany Mamy Ravatomanga izany mihitsy ny vahoaka leo kolikoly. Miandry fanazava maika sy mitombona ny mpanara-baovao ary ny fepetra mifanaraka amin’izany rahatoa ka mitombona ny fiampiangana azy.