Fitondrana tetezamita amin’ny fanovana : Miady hitovy fahefana ny colonel dimy mirahalahy mpitarika ao amin’ny Capsat

Mandeha dia mandeha ny resaka ankehitriny fa miady hitovy fahefana amin’ny colonel Michael Randrianirina filohan’ny fitondrana tetezamita ireo colonel efa-dahy izay mpiara-mitolona taminy tamin’ny hetsika ny GenZ.
Marobe ny resaka tsy ifankahazoana amin’ny mpitondra ny fitondrana tetezamita hoamin’ny fanavaozana izao. Hatramin’ny fanendrena ny Praiminisitra Herintsalama Rajaonarivelo iny aza dia voalaza fa ipetrahan’ny disadisa izao satria tsy niarahana. Ny loharanom-baovao hatrany no milaza fa isan’ny olana ihany koa ny ataon’ny politika toa ny MMM sy ny TIM ary ny fikambanan’ny karana izay miditra an-tsehatra lalina be dia be amin’ny raharaham-pirenena ankehitriny.
Eo anatrehan’izany dia toa hisy ny fijerena manokana hataon’ny HCC ity raharaha ity amin’ny herinandro hoavy izao. Andrasana ny mety fisehoan’izany.