Général Richard Ravalomanana sy ny minisitra Marie Michelle Sahondramalala : Nampidirina am-ponja vonjimaika ny alatsinainy 19 janoary 2026

Ny jeneraly Baomba na ny Jeneraly kintana efatra Richard Ravalomanana avy ao amin’ny zandary sady filohan’ ny antenimieran-doholona dia nampidirina am-ponja vonjimaika eny Imeritsiatosika, ary ny minisitry ny fampianarana teo aloha sady depiote ny Fianarantsoa dia nalefa eny amin’ny fonja Avaradrano Antananarivo. Ny alatsinainy faha 19 Janoary 2026 izany no nitranga rehefa avy notazonina natao fanadihadiana tao anatin’ny 15 andro teny amin’ny zandary teny Fiadanana ny jeneraly Baomba ary teny amin’ny polisy amin’ny heloka bevava teo Anosy kosa ny minisitra Marie Michelle Sahondramalala. Mazava hoazy fa olona akaiky be any filoha teo aloha Andry Nirina Rajoelina izy roa ireo ary tanan-kavanan’i Mamy Ravatomanga koa.
Ny antony itazonana azy roa ireo dia ny « atteinte à la sûreté intérieure de l’état  » na ny fanohintohinana ny filaminana anatiny ato amin’ny fitondrana izao. Nisy koa olona 12 hafa izay nalaina am-bavany tamin’izao raharaha izao saingy tsy voafonja fa eo ambany fanaraha-maso ny fitsarana. Ny mpanolotsaina sy mpanao iraky Andry Nirina Rajoelina antsoina hoe Mosa Soaly dia isan’ireo olona nahazo fanaraha-maso ny fitsarana koa tamin »ny herinandro lasa teo iny mahakasika ity raharaha ity.
Mandeha ny resaka fa mbola misy olona hafa hosamborina koa mahakasika ny raharaha ity.
Na izany aza dia tokony hosamborina koa i Naina Andriatsitohaina izay efa nanaovana didy fampisamborana iraisam-pirenena iray volana lasa izay hahafantarana ny marina amin’ny raharaha CNAPS iny.