Mandry am-pahalemana tanteraka ny mponina ao amin’ny faritra Menabe ankehitriny. Tapa-doha izay mpangalatra tratra sy azon’ny kolonely Faneva sy ny tariny. Tao anatin’ny volana maromaro izay dia tsy nahitana asan-dahalo intsony ity faritra ity. Araka ny loharanom-baovao azo dia lasa nandositra nakany amin’ny faritra Amoron’i Mania fa indrindra ao amin’ny distrikan’Ambatofinandrahana ireo dahalo tsy maty voatapa-doha tany amin’ny faritry Menabe. Mandry fahalemana tanteraka any an-toerana tao anatin’ny volana maromaro nahatongavan’ity kolonely Faneva ity. Tsy misangy sy tsy mandray kolikoly ary tsy mifidy tavan’olona fa rehefa dahalo dia tapahana loha raha tratrany. Efa am-polony maro ny dahalo sy mpangalatra voatapa-doha noho izany. Ary eo imason’ ny vahoaka no anavahana ny lohan’izy tratra. Marihina koa anefa fa mampianatra ireo tanora any an-toerana ity kolonely ity ka maro ireo dahalo niova fo amin’izao fotoana izao.
Vokatr’izany dia tsy misy dahalo intsony any hatramin’izao fotoana izao. Hatraty Miandrivazo, Malaimbandy, Ankilizato ka hatrany Mahabo-Morondava sy Belo/Tsiribihina ka hatrany Manja dia nangina tanteraka ny asan-dahalo.
Be dia be ny resaka mandeha nohon’ny fomba entin’ny kolonely Faneva ity ny fampandrian-tany any Menabe saingy tena mankasitra azy ny vahoaka satria nilamina ny tany.
Menabe : Tapa-doha izay dahalo tratra
Partager cette article
Articles connexes
