Eo anatrehan’ny fahantrana izay mahazo ny firenena nohon’ny tsy fahombiazan’ny fitondrana tarihin’i Andry Nirina Rajoelina izao dia tsy mahasarika olona koa ny mpanohitra tarihin’i Siteny, Ravalomanana Marc sy ny fikambanana politika milaza azy ho mpanohitra eto amin’ny firenena. Ny anton’izany dia noho ireo mpanohitra ireo izay fantatry ny vahoaka fa hampidi-doza hoan’ny firenena ihany koa ny zavatra hataony raha mahazo fitondrana eo. Efa fantatry ny vahoaka avokoa ny fahotana mahafaty nataon’izy ireo teto amin’ny firenena satria dia efa nitazona andraikitra ambony tamin’ny fitondram-panjakana avokoa izy ireo. Nangalatra, nanao kolikoly, nandroba ny fananam-bahoaka sy nanapatra fahefana mihoampampana.
Ny fahanginan’ny vahoaka izao koa anefa dia tsy midika fa mankasitraka io fitondrana io. « Tsy resy tsy akory ny olo-mangina »
Ao anatin’ny kihon-dalana tanteraka ny firenena ankehitriny satria tsy misy atokisana avokoa na ny mpitondra na ireo milaza azy ho mpanohitra. Tezitra anatiny ny vahoaka malagasy noho izany.
Politika : Tsy mahasarika olona ny mpanohitra
Partager cette article
Articles connexes
