Kabeso n’i Mpanjaka Toera Hody eto Madagasikara rehefa natyazon’ny frantsay nandritra 128 taona

Hampodiana eto Madagasikara amin’izay ny karandohany na ny Kabeso n’ny mpanjaka Toera avy amin’ny Sakalavan’ i Menabe.
Novonoin’ny frantsay tany Menabe ity mpanjaka Toera ity alatsinainy 30 Aogositra 1897 raha tsy nanaiky ny fanjanahana an’i Madagasikara izy. Rehefa azo babo izy dia notapahin’ny frantsay ny lohany ka nentiny tany frantsa. Niaraka notapahina loha taminy koa ny miaramilany roalahy.
Tsy fantatra marina izay antony tena nitondrana nitondrana azy ity tany frantsa. Rehefa tonga tany dia natao fampiratiana amin’ ny tranom-bakoka frantsay iray.
Eo amin’ny Malagasy dia tsy eken’ny fisainany mihitsy izany very taolambalo izany ka dia niady mafy ny hamerenana azy aty Madagasikara ny fianakaviany sy ny foko niaviany Sakalava sy ny malagasy tao anatin’ny 128 taona nipetrahany tany izay.
Ny volana aprily 2025 no voalaza fa haverina amin’ny malagasy ny Kabeso ny mpanjaka Toera sy ireo miaramila roa lahy niaraka taminy. Ny fodiany izany dia hialoan’ny fahatongavan’ny filoham-pirenena Frantsay Emmanuel Macron hoy ny minisitry ny serasera mpitondratenin’ny governemanta malagasy Volamiranty Mara Dona tamin’ity herinandro ity.
Olana lehibe eto Madagasikara ny mahakasika ny tantaram-pirenena ity satria dia misy ny minia tsy miraharaha izany intsony. Ny sasany indray manao azy hahazoana diplaoma fotsiny. Misy aza no milaza fa tsy hihinan-kanina izany tantara izany fa efa lany andro. Zava-doza satria ny tantara no mamaritra ny hoavy rehetra.