Niakatra indray ny vidin’ny simenitra tamin’ity herinandro ity. Ny simenitra orimbato izay novidina 34 000 ariary tamin’ny volana janoary 2025 iny dia no vidina 38 000 ariary izany amin’izao volana febroary 2025 izao.
Ny simenitra Lucky indray dia 33 000 ariary teo aloha dia lasa 36 500 ariary izany amin’izao fotoana izao.
Tsy nisy ireo simenitra ireo tamin’ny mpivarotra ambongadiny tao anatin’ny tapa-bolana izay , izany hoe ny tapa-bolana voalohan’ny volana febroary 2025 ity. Rehefa niverina teny amin’ny tsena indray izy dia izao nisondrotra 4000 ariary izao.
Tsy misy fanazavana ny avy amin’ny fanjakana amin’izany ary mangina koa ny mpiaro ny zon’ny mpanjifa. Aiza ilay fampanantenana nataon’ny filoham-pirenena hoe hahena ny vidin’ny simenitra eto Madagasikara?
Ny zava-misy aloha dia ny vidin’ny atody izao no nihena satria misy 550 ariary izany ankehitriny raha toa ka efa tafakatra 800 ariary tamin’ny volana janoary teo.
Niakatra avokoa ny vidim-piainana ankoatran’ny atody ity.
Vidin’entana: Niakatra 4000 ariary ny vidin’ny simenitra
Partager cette article
Articles connexes
