Mangataboahangy
Nentina any Antananarivo ny olona 18 izay voarohirohy amin’ny nahafaty an’i Rasazy Narindra
Nentina any Antananarivo ireo olona izay voarohirohy amin’ny nahafaty an’i Rasazy Narindra avy ao Mangataboahangy. Raha ny loharanom-baovao dia miisa 18 no isan’izy ireo. Ny asabotsy faha 1 martsa 2025 no niala avy any Ambatofinandrahana izy ireo. Mpanatibary maraina ho an’ireto olona voarohirohy amin’ity raharaha ity no ahazoana ny vaovao satria dia tamin’ny alina izy ireo no niainga raha ny loharanom-baovao io hatrany.
Tsy mbola fantatra izay antony nitondrana azy rehetra ireo any Antananarivo. Gaga daholo ny olona any Ambatofinandrahana noho izany. Androany alatsinainy faha 3 martsa dia mbola tsy fantatra izay misy azy ireo ary tsy ahenoana vaovao koa.
Raha ny loharanom-baovao azo avy any an-toerana koa dia mbola misy olona hafa koa izay hanampy azy ireo ary any Antananarivo avokoa no hanaovana ny fanohizana ny fanadihadiana in’iyy raharaha ity.
Samy miandry mafy izay fiafaran’ilay raharaha ity ny vahoaka Malagasy. Enganie ka hiseho ny marina rehetra ka hofaizina mafy ny nahavanon-doza.
Randrana Sendikaly
Nanao fihetsiketsehana hanondrotana ny karaman’ny mpiasa-panjakana
Tamin’ny Zoma faha 28 Febroary 2025 teo dia nanao fihetsiketsehana teo Anosy ny Randrana sendikaly. Nilahatra sy nivezivezy teo amin’ny lalana manodidina ny fitsarana sy ny minisitera maro eo Anosy izy ireo. Raha ny filazan’ny mpikambana ao amin’ity sendika ity dia tsy zakan’ny aina intsony ny zava-misy ankehitriny. Enina taona izao dia indray mandeha fotsiny no mba nisy fisondrotana ny karama izay 8% fotsiny nefa ny vidim-piainana efa tafakatra 100 %.Mitaky ny famerenana ny fanondrotana ny karama toa ny hatramin’izay izy ireo ary mangataka ihany koa ny fanamboarana ny karama hifanaraka amin’ny zava-misy ankehitriny.
Toa ny olona miteny an’efitra ihany no nahitana ny Randrana sendikaly ity satria dia tsy no raharahan’ny fitondrana mihitsy ny fitakiany.
