Andry Rajoelina Soa ihany fa nisy ny loza hahazahoana vola maimaim-poana

Faly tsy nisy toa izao ny olona tra-doza noho ny fahatongavan’ny filohampirenena Andry Nirina Rajoelina tany amin’ny faritra atsimo ny nosy iny noho ny fizarana vola sy sakafo hoan’ireo traboina vokatry ny fandalovan’ny rivodoza Honda. Mbola tsy nisy filoham-pirenena nizara vola izany teto Madagasikara raha tsy Andry Nirina Rajoelina tao anatin’ny enim-polo taona mahery nahazahoany ny fahaleovantena tena izay. 100 000 ariary no omena maimaim-poana hoan’ireo traboina ireo. Tsy ny any atsimo ihany fa ny eto Antananarivo sy ny faritra maro koa.
Nanomboka ny taona 2021 no nizara vola io ny filoha Rajoelina. Raha manao fitsidihana politika izy mazana dia mizara vola hatrany.
Hatramin’izay anefa dia voa maika nahantra ny malagasy vokatr’izany Ireo olona zatra nahazo vola sy nozaraina sakafo maimaim-poana ireo dia mivavaka foana ny hisian’ny loza hizaran’ny filoha Andry Rajoelina vola sy sakafo. Ny vidim-piainana koa miakatra dia miakatra tsy efa eran’ny aina intsony. Ny fiainana mitotongana hatrany andro aman’alina, zara raha misakafo indray mandeha isa ‘andro ny olona.
Ny vaha olana hitan’ ny fitondrana sy ny mpomba azy dia ny fizarana vola. Izany ve no hampandroso ny firenena? Tatsy Afrika dia nizara vola toa izao koa i Omar Bongo izay filohampirenena tatsy Gabon. Natsipy avy eny ambaravaran’ny fiara ny vola io rehefa nandalo izy. Indrisy anefa fa nahantra tanteraka ny fireneny.
Izany no misy eto Madagasikara ankehitriny.
Any amin’ ny tany miady toa ny any Gaza na Ukraine izay potika tanteraka amin’izao fotoana izao dia tsy misy fizaram-bola izany na kely aza nefa tena potipotika mihitsy ilay firenena. Toa izany koa ny tatsy Mayotte sy la Reunion izay potikin’ny rivodoza amin’izao fotoana izao.
Rehefa tiana ho potehina ny firenena iray dia toa izao fizarana vola maimaim-poana izao ataon’ny mpanao politika.
Vaha olana hafa no takian’ny firenena fa tsy vizana vola toa izao atao izao.
Ny fisian’ny loza toa izao sisa no sehatra ahazoan’ny fitondrana miseho. Tsy manana vaha olana politika sy ekonomika intsony ka mizara vola sisa no atao.