Fihaonambem-pirenena Hamaritra ny lalampanorenana sy ny fampandrosoana vaovao

Marobe ny antso avy any amin’ny faritany mahakasika ny fankakevitra izay nataon’ny fitondrana Fanavaozana teny amin’ny CCI Ivato tamin’ny alatsinainy sy talata faha 9 sy 10 novembra 2026 teo. Mahakasika ny lalampifidianana no tena nivoaka tamin’izany. Gaga sy mametraka fanontaniana ny mpisehatra politika sy ny mpanaraka ny raharaham-pirenena fa toa efa miditra sahady amin’ny zavatra tokony hodinihina any amin’ny fihaonambem-pirenena iny raharaha iny. Ny fihaonana isam-paritra mbola tsy nisy akory dia efa navoaka ireny fehikevitra ireny .Midika ireny fa efa misy zavatra voaomana mialoha any hoany.
Ny fihaonambem-pirenena no hamaritra ny lalampanorenana izay hamaritra ny rafitra politika hitondrana indray ny firenena na ho fitondrana tokana, na ho mizakatena na koa federaly no ho lany ny vahoaka malagasy eo mandritra ny fihaonambem-pirenena io. Raha iny zava-misy teny amin’ny fankakevitra iny dia toa ny sarety indray no mitarika ny omby.
Na inona na inona lalana havoaka eo na inona hevitra hotenenina dia izay ho tapaka amin’ny fihaonambem-pirenena ka hovoarakitra amin’ny lalampanorenana no tsy maintsy hitondrana ny politika sy ny fampandrosoana indray eto amin’ny firenena. Resaka adala ny ankoatran’izany.